انت اخوانجى !! طيب تعالاا بقى

دي الجمله الى بقيت اسمعها على طول ومش فاهماها

دلوقتى اى حد يربى دقنه ويلبس جلبية قصيرة شويتين او بنطلون متنى وماسك قران

يبقى امسك على طول وحبس وبهدله

وفى الاخر نسال هما ليه قبضو عليه يقولك اصله اخوانجى يعنى من الاخوان

طيب تيجى تسأل سؤال تانى وهو فيها اي لما يكون من الاخوان طب ماحنا مسلمين واخوات يبقى نتمسك

يقولك لا يابنتى ده هوه عايز يعنى عايز يطبق الاسلام يعنى ويقولك الاسلام هو الحل

طب ياعم ماحنا كلنا عايزين كده ياااااااااريت الاسلام يطبق فعلا صح ده احنا هنرتاح

يقولك ياست الحجه افهمى هوه مدخل السياسه فى الدين ورافعلك شعارات من الاخر

طب ياعم الحاج ايه المشكلة مش فاهمة لما الدين يدخل فى السياسه ماهو على الاقل حالها يتصلح شويتين ابسط حاجه كل واحد ياخد حقه

يقولك يابنتى انتى مش فاهمه اصلا دول بتوع ارهاب ومظاهرات ووجع دماغ وعاملين قلق فى الدوله والواحد مش ناقص عشان كده بيمسكوهم

طب ياعمنا هما يعنى بيعملو كده من فراغ ماهو اكيد فى حاجه مضيقاهم احنا نفسنا اهو مخنوقين من حال البلد بس هنعمل ايه ادينا بنتكلم بينا وبين بعض وخلاص

بقولك ايه انتى شكلك من الاخوان امسسسسسسسسسسسسسسسسسسسسسك

فعلا ياجماعه انا لغايت ناو مش قادرة افهم ليه تسمية الاخوان وليه المشاكل معاهم وهما عايزين ايه وليه بقيت اللحية علامة شك وليه بيتمسكو ويتبهدلو وهما الاخوان دول عايزين ايه والحكومة ليه ضدهم
انا حاولت افهم وسألت فعلا واحده من اللى بيقولو على نفسهم من الاخوان قالتلى ده موضوع كبييييييييير انا عملت فيه ابحاث كتيير وبلاش نتكلم عن الاخوان بدل مايفتكرونا منهم ونتمسك