تعرف تعمل حورات تعالا نعلمك

الحورات

مش المشكله ان يكون عندك مشاكل كل واحد فينا عنده مشاكل وانا ممكن اكون من اكتر الناس الي حياتهم مليانه بالمشاكل بس المهم انك تعرف تحل مشاكلك وتخرج منها بس مش تعمل نفسك ناصح وتهرب معلش انت لو هربت حتخيش في مشكله اكبر وانهارده مع افتكاسه جديده وهي الحورات
وسبولي نفسكو خالص علشانت اعرف احور عليكم

الحوار في التعريف اللغوي تقريبا الحوار يعني التخاطب او الموضوع يعني كلمت حوار ديه مش من افتكسات شباب اليومين دول الي مسقطين بنطلونتهم , كلمة حوار طلعت بين الشباب من بتاع 10 سنين كده هي وكتير من الكلمات زي يطبق ويترقع ويزولح وليحه وجيفه كلام كلنا بنقولو بس كلمت يطبق ديه الكلمه الشيك ليسرق او يبدد وكلمت حوار ديه بديل للكدب او التغطيه علي موضوع ماه بس محدش بياخده من هذا المنطلق يعني لما اقول انا طبقت من اخويا التليفون بتاعه طبعا مبيكنش معناها اني سرقته بس هي سرقه مصغره , انبارح بابا بيسالني الكتاب ده جيبه بكام رحت اخده في حوار وبتاع (يعني حورتله يعني كدبت عليه او لغوشت علي الموضوع الاساسي)
انا مش بقلك انا مبعملش كده انا طول انهار احور بس قعدت فكرت يعني ايه حوار ملقتش غير المعني ده ولما بحور يعني بكدب بس انا من كتر ما الكلمه بتتقال خلاص مبقتش اخد بالي ان ده كدب وكنت بكلم صحبتي انبارح واخدتها في كام حوار ورا بعض تنحت ( يعني ايه مش عارف) دلوقتي لما بعوز امدح في واحد اقول ده واد تحفه ده محورجي ملوش حل ولو تجبها من نحيه تانيه يعني ده كداب ملوش حل شوفتو الشباب جامد ازي ايه الجمدان الي احنا فيه يا جماعه عيزين نلتزم شويه الحورات كترت اوي ده كل حاجه دلوقتي بحوار الولاد بيحورو علي بعض والبنات بتحور علي بعض والولاد بيحورو علي البنات والبنات بتحور علي الولاد والصغير بيحور علي الكبير والكبير علي الصغير وديه مش مشلكه علشان محدش حاسس بيها بس في الاخر بنحس بيها لما تكتشف ان صحبك او حببتك او اختك او اخوك كانو بيحورو عليك وربنا يهدينا ونبطل حورات